Некои од најпознатите фотографии на британската топ манекенка Кејт Мос ќе бидат продадени на аукција од аукциската куќа Кристис оваа есен...

Сликите, кои се дело на фотографи како Марио Соренто, Ани Лејбовиц, Брус Вебер, Марио Тестино, Сем Тејлор-Вуд и Ирвинг Пен, се собрани од германскиот колекционер Герт Елферинг. Се очекува за нив да бидат платени околу еден милион фунти.

Елферинг ја определи 39-годишната Британка како "жива икона", а директорот на одделот за "Фотографии" во аукциска куќа Кристис Филип Гарнер ја нарече Мос "Најголемата модна икона на современоста".

Меѓу фотографиите вклучени на тендерот се гола слика на Мос од 1992 година, на која лежи на каучот. Таа е дело на Марио Соренто и се проценува на меѓу 30 000 и 50 000 фунти. 3D холограмот на Крис Левин се проценува на меѓу 100 000 и 150 000 фунти.

Покрај фотографиите на аукцијата ќе бидат продадени и колаж на Питер Блејк, таписерија на Чак Клоуз и скулптура од 18-каратно злато на голата Кејт Мос, дело на Ник Најт. Колекцијата ќе биде продадена од аукциската куќа Кристис во Лондон на 25 септември.