Некои познати текстилни производители изработуваат облека, користејќи опасни хемикалии за кожата...

Некои познати текстилни производители изработуваат облека, користејќи опасни хемикалии за кожата, предупредија од организацијата за заштита на животната средина "Гринпис".

Според специјалистите во иднина е апсолутно неопходно производителите да прават "чиста" облека, без хемикалии, кои во моментов се користат во текстилната индустрија.

Некои хемикалии се толку опасни, што можат да предизвикаат рак на кожата или да влијаат на хормоналниот систем на човекот. Дури и ако облеката не е "отровна", можно е во процесот на нивното изработување да се користат штетни материи.

Според "Гринпис" сите водечки модни брендови ги  користат овие хемикалии. Организацијата истражувала 141 модел од 29 земји. Резултатите се шокантни, а експертите откриле штетни материи дури и во детската облека.