Швајцарскиот бренд "Rococo Dessous" лансираше колекција на интимна облека изработена од 24-каратно злато. Зад колекцијата стои некогашната креаторка на компанијата "Victoria's Secret", Бријена Ли, која била инспирирана од раскошниот живот на Клеопатра, руската царица Александра и кралицата Марија Антонет...

Цената е во склад со гламурозниот модел и се движи од 3.000 до 6.000 долари за комплет градник и гаќи. Секој модел го носи името на владетелката која послужила како инспирација за нивниот дизајн.

Иако денес носењето облека изработена одматеријали во кои е вткаено 24-каратно злато можеби делува ексентрично, директорите на швајцарската компанија истакнуваат дека пред неколку векови таквите материјали биле задолжителен дел од облеката на кралот, царицата и членовите на нивните семејства.

"Желбата за злато на облеката се појавила уште во најстарата голема цивилизација, во Египет, каде фараонот Тутанкамон носел ленена облека украсена со скапоцени метали", објасниле од брендот.

Купувањето на вака облека може да се изврши само со закажување на приватен состанок во одредени продавници. Продажбата наводно веќе оди одлично особено во јужна Франција, на Блискиот исток и Русија.

Моделите додатно, на барање и со додатен трошок на купувачот, можат да бидат украсени со бисери и кристали.