"Што носам во кревет? Шанел No.5, се разбира". Славната реплика која и припаѓа на легендата Мерелин Монро...

Во 50-тите години ѕвездата го отелотвори сјајот на Шанел No.5, а нејзината пофалба за парфемот се покажа непроценлива реклама. Неодамна луксузната марка го избра Бред Пит, првиот маж во историјата, кој стана нејзино лице.

Сега Шанел претстави редок колекционерски мирис, кој ќе се продава по цена од цели 2 732.24 фунти. Брендот го одредува парфемот како "редок и колекционерски". Тој се нарекува "Grand Extrait" и во моментов е најскапиот, понуден парфем од Шанел.

Формулата на аромата е иста како поевтините верзии, но шишето е доста посебно. Тоа е формирано во калап од специјализиран производител на стакло и потоа е вметнато во рачно изработен торбичка што го претвора во интересен модел за колекционерите.

Можеби францускиот моден бренд има потреба од пари за да го плати хонорарот на Бред Пит. Овој месец, стана јасно дека холивудската ѕвезда ќе биде лице и на новата рекламна кампања на Шанел.