Покрај добро скроеното сако и белата кошула, оваа пролет во ормарот на секоја модерна дама своето место го најде и долгиот фустан...

Романтичен и лесен, ваквиот фустан може да се носи речиси во секакви прилики, од прошетка, до работа и вечерно излегување.

Освен што е практичен, макси фустанот и ласка на вашата фигура, затоа што пружа доволно можности да ги сокриете сите недостатоци.

Широките модели ги маскираат мааните, а оние тесните и залепени го нагласуваат виткото тело и долгите нозе.

Многу модни куќи го прифатија овој тренд па така во продавниците може да се најде широк спектар на модели, од еднобојни, до оние со цветни шари, со карнери, украси...

Долгиот фустан сигурно ќе доминира и во летната сезона затоа што претставува вистинско решение за посвежите летни ноќи.