Ќерката на Мик Џегер откри дека најголема желба и е да прошета по писта на ревија на Victoria's Secret.

Џорџија Меј Џегер (21), една од четирите деца на Мик Џегер и Џери Хол, ја откри за модниот печат својата „листа на соништа“, односно брендовите за кои би сакала да работи.

Убавата русокоса со раздвоени предни заби рече дека на прво место, очекувано, е брендот Victoria's Secret.

„Да се стане ‘Ангел’ и да се оди по таа писта би било неверојатно искуство. Навистина би сакала да и се придружам на таа елитна екипа манекенки“, рече Џорџија.

Успешната манекенка е петтото од седумте деца кои фронтменот на The Rolling Stones ги има со три различни жени.