Christian Louboutin, дизајнер на чевли препознатливи по црвените платформи, изјавил дека не сака повеќе да дизајнира чевли за супер слабата кукла Барби затоа што има предебли зглобови на ногата.



„Стапалата на Барби отсекогаш биле помалку свитливи од остатокот на нејзиното совршено тело. Барби нема „дебели“ зглобови, но едноставно не може да има и послаби. Затоа се откажувам од дизајнирањето за кукли“ - изјавил Christian, а со тоа и предизвикал бран лути реакции на девојките и жените ширум светот.



Всушност, Louboutin ја прифатил понудата на произведувачот на Барби, Mattel, за нејзиниот 50-ти роденден да дизајнира линија на чевли кои ќе имаат пристапна цена, иако малку повисока од вообичаената. Исто така, креирал и 3 нови кукли Барби, за кои бил инспириран од египетската кралица Нефертити и вечната Marilyn Monroe. Куклите се викаат: Барби - крадецот на дијаманти, Сафари Барби и Барби - Кански Филмски Фестивал. Секоја од нив, во слободна продажба чини 92 фунти, додека пакетот од 12 пара чевли чини 25 фунти. Ја осмислил и колекцијата модни додатоци како и Барби дневник. Специјалните чевли со екстремно високи потпетици на Louboutin кои ги замислил на нозете на Барби, подоцна се прикажани на една ревија во Њујорк.



Во светот на познатите, голем број убавици не злегуваат од чевлите на Christian Louboutin. Со црвени платформи можеме да ги видиме, Christina Aguilera, Nicole Kidman, Tina Turner, принцезата Carolina од Монако, принцезата Marie Chantal од Грција, Catherine Deneueve, Cameron Diaz, Janet Jackson, Jennifer Lopez, Sarah Jessica Parker и Rihanna. Во една прилика, на дизајнерот му било поставено прашањето која личност му е најдрага која ги носи неговите чевли, Louboutin одговорил:„И се восхитувам на Angelina Jolie. Мислам дека е прекрасна, великодушна, талентирана и со отворен ум. Драго ми е што токму таа го носи моите чевли“.