Модната куќа „Џон Луис“ ангажирала несекојдневен фраер за новата кампања.

Манекенот Џони Херингтон (32) е новото заштитно лице на брендот „Џон Луис“. Британскиот печат Херингтон го нарекла „клошар манекен“, поради бушавата брада, неуредната коса и „мамурниот израз на лицето“.

Поранешниот столар од Милтон Кинс изгледа како штотуку да допатувал со ранец од некој евтин хостел, а менаџерот на брендот Метју Мекормак вели дека тој е „идеалниот модел“ за таа куќа.

„Знаеме дека Џони изгледа малку необично, па и неуредно, но има неверојатен стил. Тој е човек кој вредно работи, секојдневен херој и тип на маж кој совршено ја носи нашата облека“, рече Мекормак.

Херингтон скромно изјавил дека му е мило што е избран да биде лицето на куќата „Џон Луис“ и дека брадата ја пуштал три години и дека не планира да се бричи, ниту пак шиша, во блиска иднина.