Чевлите со високи потпетица ги губат позициите на профитабилен и атрактивен тренд оваа пролет...

Многумина мислеа дека модата на штиклите никогаш нема да одмине, но денес сме сведоци дека нивната популарност постепено се намалува.

За прв пат за време на Неделата на модата во Лондон на модна писта се појавија модели со ниски чевли. Светски познатиот дизајнер Роберто Кавала објасни дека модата на чевлите од тип "балерина" допрва ќе го освојуваат светот. 60% од продажбата на чевли во светот се токму на моделот "папучи". Купувачите на ниски ѓонови во последниве шест месеци се зголемиле за 25% во споредба со 2011 година. Дури кралицата на штиклите Викторија Бекам пред неколку дена беше забележана со ниски чизми во Њујорк.

Се помилени се спортските чевли, односно патики. Тоа според стилистите се должи на зголемениот ритам на живот, поради кој жените сакаат погодност и удобност пред убавината. Се разбира во ситуациите кои бараат официјална гардероба, високите потпетици ќе продолжат да владеат.