Мегапопуларната ѕвезда од Барбадос изгледа неверојатно сексипилно во новата фотосесија направена од познатиот фотограф Тери Ричардсон.

Пејачката на хитот Diamonds во последното издание на списанието Rolling Stone ја призна својата (повторна) врска со пејачот Крис Браун, кој ја претепа во 2009 година.

А сега, фотосесијата која што за истото списание чија насловна ја краси, се најде на интернет, а зад неа стои познатиот фотограф Тери Ричардсон, кој често соработува со поп дивата Лејди Гага.

Ријана на сликите можете да ја видите како пуши рачно смотана цигара, додека чад излегува од нејзините усни, а облечена е во лесен фустан под кој нема градник.

На само една од фотките, која Тери ја објави на својата веб-страница, може да ја видите пејачката во црна сукња и црно кожено палто со цветен дезен по ракавите.