Оскаровката се откажа од козметичките инјекции, затоа што повеќе не можела да го движи лицето.

Никол Кидман предизвика големо внимание во јавноста пред неколку години, кога на црвениот тепих се појави со „замрзнат“ израз на лицето, карактеристичен за личностите кои примаат ботокс инјекции.

Кидман (45) сега кажа дека никогаш повеќе нема да зема ботокс.

„Пробав, но ефектот не ми се допадна. Не можев да ги придвижам мускулите на лицето. Нема повеќе ботокс, ниту ќе одам под нож“, рече Никол.

Оскаровката моментално го промовира филмот Stoker, мрачен трилер во кој глуми и Миа Вашиковска.

„Играм мајка која ја мрази својата ќерка, што беше вистински предизвик за мене, затоа што ништо не ми е поважно од моите деца во вистинскиот живот“, кажа Никол, која со Том Круз ги освои Изабела (20) и Конор (17), а во бракот со Кит Урбан ги доби ќеркичките Сандеј (4) и Фејт (2).