Кралицата на бурлеската многу добро знае да направи пари од својата популарност и од активности кои не и се првично занимање, па овој пат претстави нова иновативна гардероба за вистински дами.

Колекцијата опфаќа десет фустани со различен моден стил и израз - од тесни и шарени, до елегантни и вечерни фустани. Можеби веднаш помисливте дека линијата фустани на Дита Фон Тис е преполна со чипки и длабоки деколтеа, но - не е.

Фустаните се сведени и можат да се носат во секојдневни прилики, посебно на работа. Тоа што новата линија на Дита Фон Тис ја прави поинаква е тоа што ќе се продава со QR кодови, кои се наоѓаат на внатрешниот дел од секој фустан.

Со скенирање на квадратастите кодови ќе можете да стапите во контакт директно со уметничката и тоа преку нејзиниот личен Twitter профил, кој самата го води. Како уметничка и дизајнерка, таа вели дека директната комуникација со фановите многу и помогнала во кариерата и дека таа на овој начин настојува да остане со своите фанови во постојан контакт.

Секоја дама која ќе постави било какво прашање за нејзините фустани ќе добие одговор, затоа што Дита смета дека нема подобро вложување, од вложувањето во нејзините фанови. Им благодари на нив!