Славната манекенка, модел, икона на стилот, диктаторка на трендовите, муза, дизајнерка, партнерка, мајка. Со еден збор - Кејт Мос! Модна дива која денес го слави својот 39-ти роденден...

Откриена е далечната 1988 година на аеродром. Две години подоцна, тогаш 16-годишната Кејт, снима црно-бели фотографии за британскиот магазин "The Face", кои ја кренаа во ѕвезденото небо. За жал, Кејт не била воодушевена од оваа лице на славата, за што проговори во својата автобиографија: "The Kate Moss Book".

За неа не биле непознати ниту нервните сломови по тешките снимања, особено она големото за долна облека на Calvin Klein од 1992 година. "По снимањето, две недели не можев да станам од кревет. Мислев дека ќе умрам. Во светот на модата никој не мисли на вашата психичка состојба. Не ве штедат ниту фотографите ниту стилистите, никој. Неопишлив стрес за девојка во пубертет..."

Но, покрај се што има поминато, веројатно лошите денови се веќе зад неа. Моментално е во среќен брак со рокерот Jamie Hince а и понатаму е еден од најбараните и најскапи модели. Се шпекулира дека по книгата ќе следува и документарец. Браво Кејт, изгледа дека оваа година ќе биде во твој знак.