Актери, музичари и други славни личности се најдоа на листата на списанието GQ.

Списанието секоја година традиционално објавува листа на најдобро стилизирани мажи, а оваа година на листата се оние кои „конечно сфатиле дека модата е сериозна работа и почнале да ризикуваат, што им се исплатило“.

Прв на листата е Даниел Крејг, чиј беспрекорен џентлментски стајлинг ги доби сите пофалби на уредништвото GQ.

Втор е младиот актер Зек Ефрон, а трет по мислењето на многумина дури и најдобро облечен маж на планетата, е фудбалерот Дејвид Бекам.

На листата се и пејачот Бурно Марс, актерот Хуан Мекгрегор, „вампирот вљубен во Gucci костуми“ Роберт Патинсон и Џозеф Гордон-Левит.

Осми е кошаркарот Тајсон Чендлер, деветти актерот и вереникот на Џенифер Анистон Џастин Теро, а десетти е младиот пејач Ник Џонас.