Кејти Холмс секогаш одново не воодушевува со својата спонтаност и едноставност. Тоа уште еднаш го потврди појавувајќи се на својата роденденска вечера во едноставно, но многу елегантно издание.

Кејти Холмс многу често ја сретнуваме во широки тренерки и широки фармерки и без трошка шминка и со раскубана фризура, но и во такво, спонтано издание, оваа убавица го привлекува вниманието.

Но, од време на време, поранешната сопруга на актерот Том Круз не потсетува дека и таа сака да изгледа дотерано и елегантно што го потврди појавувајќи се на роденденската вечера.

Облечена во едноставен, бел фустан, со крената коса во опуштена пунџа и без трошка шминка, 34 годишната актерка изгледаше одлично.

Елегантниот фустан го искомбинира со нејзините омилени чизми, дебели и темни хулакопки и долг кафеав капут.