Американаката Оливија Калпо е прогласена за Мис универзум на изборот во Лас Вегас...

Оливија Калпо (20) студентка од Бостон чија страст е виолончело, е крунисана на церемонијата во "градот на гревот" меѓу 89 убавици од цел свет.

Освен за убавото лице, совршеното тело во виолетов костим за капење и црвениот вечерен фустан, судиите ја пофалиле Оливија и поради фактот дека грациозно се снашла кога се заплеткала во текот на парадата.

Прашањето на кое морала да одговори било - дали некогаш си направила нешто поради што подоцна си зажалила?

"Мора да кажам дека секое искуство е нешто од кое се учат лекции. Тоа е животот. Единствено жалам поради фактот дека ги карав своите браќа и сестри кога бевме мали, затоа што во текот на созревањето сфаќате колку  би требало да ги цените", рекла мисицата.

Калпо освои непозната сума на пари, луксузна гардероба, неограничена количина козметика и стан во Њујорк.