Жива, бујна, раскошна боја на елеганцијата и убавината која донесува чувство на рамнотежа и хармонија, смарагдната ќе биде најтренд нијанса во 2013 година.

Pantone институтот за бои проценува дека хит нијанса следната година ќе биде „смарагдната нијанса на зелената“.

Жива, бујна, раскошна боја на елеганцијата и убавината која донесува чувство на рамнотежа и хармонија, смарагдната ќе биде најтренд нијанса во 2013 година.

Првата асоцијација е, се разбира, смарагдот, благороден камен, олицетворение на софистицираноста и луксусот. Од дамнини ова боја во многу култури е симбол за убавината и нов живот, растење, обновување и напредување.

„Зелената е најзастапената боја во природата, и нашето око оваа боја ја гледа почесто од било која друга во спектарот“, вели Леатрис Ајземан, извршна директорка на Pantone институтот за бои.

„Откако постои светот и векот, смарагдот ги фасцинира луѓето со својата нијанса и прекршување на светлината. Оваа боја донесува чувство на чистота и смиреност, инспирира обновување и подмладување, токму тоа што во денешно време ни е потребно. Овој моќен и универзално привлечен тон лесно ќе најде примена и во модата и во областа на ентериерната декорација“, порачуваат од Pantone институтот за бои.

Ако не сте навикнати да носите силни бои, обидете се со детаљи. Можеби и вас ќе ве понесе „смарагдниот бран“ на добро расположение.