Супермоделот Камерон Расел ги посоветувала сите девојчиња дека не треба да се стремат кон тоа да станат манекенки кога ќе пораснат...

"Работата не е лоша, но тоа не е вистинска кариера", кажала директно Расел. Оваа убавица шетала на пистите за модните куќи и креатори како Шанел, Балмен, Оскар де ла Рент, а сега работи како "ангел" за модната куќа Victoria's Secret.

Иако располага со големи банковни сметки и живее раскошен живот, таа ги посоветувала малите девојчиња да не бираат да бидат манекенки и модели, како што таа го направила тоа пред 8 години. Расел тоа го спомнала во говорот кој го одржала на конференцијата "TED" во Палм Спрингс.

"Сакам да ги прашам тие девојчиња зошто копнеат по тоа, зошто кога може да бидат што и да посакаат, претседатели на Америка, научници или поети, било што друго."

Убавицата рекла дека понекогаш се чувствува дека нема контрола над тоа што го работи и дека тоа е најголемата маана на манекенската работа.