Руската креаторка Катерина Семенко дизајнирала "лајк-ракавици" по примерот на копчето "like" на Фејсбук, од кои веќе продала повеќе од 600 пара...

По дизајнот на кујнската ракавица инспирирана од познатото "like" копче на планетарно популарната друштвена мрежа Фејсбук, младата руска дизајнерка Катерина Семенко создала нов начин на комуникација "лајк-ракавици". Со помош на овие ракавици луѓето може да го изразат својот однос кон она што се случува без да употребуваат зборови.

Ова есен "лајк-ракавиците" беа претставени на Московската недела на дизајн, каде се најдоа меѓу малобројните предмети кои навистина станаа популарни меѓу посетителите. Сепак, за сега купувањето на овие ракавици е проблематично, затоа што пробната серија од 600 пара е веќе продадена, а производството на новата серија сеуште не е започнато.