Во рамките на кампањата "Detox - да се ослободиме од отровите" меѓународната еколошка организација "Greenpeace" откри траги од токсични хемикалии во 141 примероци од облека на различни компании, купени во 29 земји, соопшти "Дојче веле"...

Меѓу нив има и модели на брендовите како Armani, Tommy Hilfiger, Benneton, Levi`s и GAP. Не само евтината, но и скапата облека содржи траги од отровната хемија.

Сепак, причини за паника нема. Во ниту еден од проверените примероци не се надминати дозволените норми, но скоро во сите се откриени траги на опасни материи.

Етоксилатите на нонилфенолот можат да влијаат на хормоналниот баланс на организмот, а фталатите - на репродуктивните способности на човекот. Азотните бои пак, во принцип се сметаат за канцерогени.

Освен тоа, многу познати компании ја произведуваат модната облека во Кина, Пакистан и други земји од Југоисточна Европа, каде еколошките норми не се толку строги.

Некои производители оперативно реагираа на критиката на "Greenpeace". Многу големи брендови веќе доброволно се откажаа да ги користат опасни супстанции во производството на своите стоки.