Ако облечете фустан кој свети сигурно ќе бидете во центарот на вниманието. Таков се продава во Јапонија...

На една модна ревија во Сингапур е претставен фустан кој го дизајнирала Јуми Катсура, а на кој се сошиени неколку стотици минијатурни светилки.

Поточно станува збор за венчаница, а ако "снаата" сака може да ги осветли и украсите за косата, бидермаерот, дури и деверушите.

И додека некои се воодушевени, други велат дека така би се облекле само за новогодишен маскенбал, со оглед на тоа дека светечкиот фустан личи на движечка елка.

Инаку, Катсура е дизајнерка позната по тоа што сака да експериментира со материјалите. Така во Париз во 2010 година го претстави фустанот "морски гребен" прекриен со рибини крлушки. Наредната година се одлучи за бисери и направи венчаница украсена со 10,000 бисери.