22 годишната актерка Џенифер Лоренс одлучи отворено да прозбори за своите килограми кои, како што тврди актерката, се речиси неприфатливи во Холивуд.

Иако милиони обожаватели ги воодушеви со улогата на Кетнис во филмот „Игрите на гладните“ и стекна светска популарност, Џенифер Лоренс во интервју за американското издание на списанието Elle призна дека не се чувствува како да припаѓа во Холивуд.

„Во Холивуд, јас сум предебела. Ме сметаат за дебела актерка“, тврди актерката и додава: „Никогаш нема да се изгладнувам за улога. Постојано ја чекам таа една улога која ќе ме натера да започнам диета, но тоа едноставно нема да се случи. Непобедлива сум!“

Џенифер признава дека еден од причините што не сака да биде исклучително слаба како повеќето актерки во Холивуд е тоа што сака да биде добар и здрав пример за младите девојки.