Чејнинг Тејтам е најсексипилен маж на светот, според изборот на списанието People.

Актерот од Алабама има 32 години, игра во акциони и романтични филмови и мислел дека го зафркаваат кога му јавиле дека е избран за најсексипилен на светот.

„Прво помислив - ова сигурно е шега, скриена камера... И мојата жена мислеше дека не се сериозни“, рече актерот кој во 2009 се ожени со актерката Џена Дуан.

Тејтам играше во акциони филмови G.I. Joe, Haywire, романтични The Vow, Dear John и други, како и во серијалот за тачери Step Up.

Моментално актуелен филм е Magic Mike во кого игра стрипер, во што веќе има искуство. Следен филм кој ќе го сними ќе биде Fox Hunter во кој игра олимписки спортист.

Тејтам сака да вежба и танцува, а во слободно време се бави со вајарство, го чита Едгар Алан По и едвај чека тој и сопругата да добијат дете.