Раскубаната коса и заплетканите екстензии, како и клампавата облека за Бритни Спирс не се никаква новост. Пејачката која полека се враќа на самиот врв на музичките скали и во приватниот живот се труди да изгледа како во златните денови, но комбинацијата во која се упати на ручек во ланец за брза исхрана не и беше најуспешна.

Популарната русокоса со фармерки со кои не би се посрамотиле ни најголемите ѕвезди на осумдесетите години, ги искомбинира со памучна маичка со кратки ракави и детски принт и темно кафеави чизми со висока потпетица.

Со оваа опуштена комбинација, освен шеговитоста на пастелните бои се истакнуваше и веќе препознатливата, раскубана фризура која Бритни редовно ја „негува“ во приватниот живот.