Levis ќе стартува нова колекција облека од тексас, вклучувајќи 3,5 милиони рециклирани пластични шишиња. Целта на брендот е да се намали влијанието врз животната средина на нивните производи и да го промовира рециклирањето меѓу корисниците...

Година по лансирањето на "безводната" колекција, која го намалува количеството вода што се користи за производство на фармерки и јакни во просек за 20%, компанијата потврди дека следната пролетната колекција ќе вклучува нов "безотпаден" спектар.

"Безотпадните" тексас панталони ќе вклучуваат најмалку 20% материјали кои потекнуваат од отпад. Тоа значи осум пластични шишиња од 300ml или 500ml, кои ќе бидат "вградени" во секој пар.

Тексас материјалот ќе вклучува PET пластика и други пластични материјали собрани од локални програми за рециклирање во САД.

Тие ќе бидат подредени по боја, по што ќе бидат преработени во полиестерски влакна, кои потоа ќе се мешаат со влакната памук, за да се создаде "предиво", од кое ќе се прават ткаенините.

"Со додавање на вредност преку отпадот ние се надеваме да го промениме начинот на кој луѓето размислуваат за рециклирањето, а воедно и да ги стимулираме да го применуваат повеќе", изјави Џејмс Керлеи, светски претседател на брендот.

"Оваа колекција докажува дека не е потребно да жртвувате квалитет, удобност и стил за да дадете нов почеток на еден крај".