Сестрите Кардашиан ги здружија силите со Сер Филип Грин, за да ја прошират својата мала меѓународна империја. Клои, Кортни и Ким Кардашиан веќе имаат серија модни колекции достапни на американскиот пазар, а сега ќе ја претстават својата колекција и во Велика Британија...

"The Kardashian Kollection", како што е името на новата линија ќе биде достапна од овој месец и ќе вклучува над илјада артикли.
Колекцијата на чевли ќе биде пуштена на пазарот во почетокот на следната година.

"Се радувамe што ја прошируваме нашата модна линија и бараме начини таа да стане достапна за што повеќе луѓе", велат сестрите Кардашиан.

Колекцијата вклучува елегантни секојдневни предлози, како и коктел фустани и чанти, а цените се меѓу 25 и 75 фунти. Сестрите дале се од себе за да направат повеќе од 100 различни кроеви во нивниот типичен стил.

Преку партнерството со Arcadia Group колекцијата ќе се продава во уште 13 други земји во светот, вклучувајќи ги Турција и Тајланд.