Веќе неброен број на пати имаме доживеано убавици на насловни страници да ги видиме ни половина убави отколку што се во природа. Фотошоп лудилото го зафати светот, а познатите лица кои ни се смешкаат од гламурозните списанија се речиси непрепознатливи. Тоа се случи и со Кејт Винслет.

Убавицата со мазна кожа и беспрекорно лице, Кејт Винслет, осамна на насловната страница на списанието Tatler Philippines, а наместо нејзината природна убавина во прв план се најде неприродно, „испеглано“ лице.

Бледа кожа прошарана со бронзени сенки на лицето ја намалија нејзината природна убавина, а сивкастите „зачадени“ очи за секунда го „изгасија“ заводливиот поглед на 37 годишната убавица со сини очи.

Споредувајќи ја со фотографии од јавни случувања или оние за кои се задолжени папараците, а за кои нема никакви подготовки, мораме да признаеме дека на Кејт Фотошопот воопшто не и е потребен.