Моделот ќе издаде автобиографската книга во која ќе зборува за контроверзниот живот...

Проблематични врски, проблеми со килограмите и проблеми со дрогата се само дел од негативностите поврзани со Кејт Мос.
За дел од нив зборува самата таа во својата нова книга "The Kate Moss Book".
Кејт раскажува за нејзиниот нервозен колапс за рекламна кампања за Calvin Klein со Марк Волберг во која позираше гола токму кога наполнила 18.

"Воопшто не сакав да ги правам овие фотографии. Недели потоа не бев при себе и не можев да станам од кревет. Отидов на лекар и тој побара да ми даде валиум. Тогаш Франческа Соренти (мајката на познатиот моден фотограф Марио Соренти) не ми дозволи да пијам такви работи", раскажува Мос.

Супермоделот ја започна својата кариера на 14. "Тогаш бев толку мала и кревка, но никој не беше заинтересиран за мојата ментална состојба. Од тебе се бара да работиш. Кога одев на фотографирање кај Стивен Мајзел, ме земаше со лимузина. Сега гледам 16-годишни модели, кои не би се соблекле, но во моето време, ако не го направиш тоа, веројатно нема да те ангажира повторно", изјави таа.

Русокоса манекенка раскажува дека никогаш не употребувала хероин. Многу луѓе сепак ја паметат  2005 година, кога на 15 септември првата страница на Daily Mirror беше "украсена" со Кејт Мос, како зема кокаин.

Во автобиографското дело моделот пишува дека Џони Деп е причината што таа успеала да се справи со славата. Двајцата имаа тригодишна врска.

"Не се жали и не давај објаснувања" е најважниот совет кој Мос го добила од него и го почитува и до денес. Затоа и не користи ниту Twitter, ниту која било друга социјална мрежа.
"Не сакам луѓето да ја знаат вистината цело време. Ова ја задржува мистеријата."