Убавата манекенка Алесандра Амбросио ја сподели својата тајна за слабеење за 3 седмици. Таа призна дека била нервозна, откако ја избрале да го претстави уникатниот "Fantasy" градник на Victoria Secret за 2,5 милиони долари, помалку од еден месец по раѓањето...

Убавицата призна дека се исплашила од веста, бидејќи не знаела како ќе се врати во форма толку брзо по раѓањето на својот син. Фотографиите на градникот биле закажани само три недели по раѓањето, што предизвикало паника кај убавицата.

"Бев ставена под огромен притисок да се вратам во форма", изјави таа пред People. "Само сакав да се извикам. Не можам да лажам, бев многу загрижена. Тукушто се бев породила со својот син", се сеќава Амбросо.

Бразилката почнала да оди на јога, а подоцна почнала со фитнес и пилатес.

"Начинот на живот и моето семејство многу ми помогнаа да влезам во форма. Со мажот ми постојано игравме одбојка на плажа, пливање и трчање по децата. Доењето исто така ми помогна. Исхраната за време на самата бременост е клучот. Сигурно ми помогна тоа што јадев салати, свежо исцедени сокови и многу риба ", изјави таа.