Меѓу познатите убавици кои стигнаа на хуманитарната гала вечер Amfar, за да прошетаат во своите тоалети, но и да го покажат своето хуманитарно лице, беше и Кејт Хадсон. Актерката како и секогаш беше одлично расположена, а тоа што овој пат беше посебно беше нејзиниот изглед на вистинска холивудска дива.

Дека русокосите и црвената боја се сакаат јавно, е познат факт кој со воодушевување го одобруваат и стилистите.

Како таквиот пар може да изгледа во најдобро издание ни покажа Кејт Хадсон на добротворната гала вечер Amfar на која стигна во тоалета која ја нагласуваше нејзината силуета со пристојно откриени рамења и длабоко деколте.

Ваквиот модел на тесен фустан со широко деколте е идеален за жените со мала големина на градниот кош и докажува дека и во тој случај деколтето може атрактивно да се истакне, оставајќи ефект на раскошност и пополнетост.