По деветодневната турнеја по Азија при која шеташе боса, танцуваше нардони танци и луташе по прашумите, војвотката Кетрин им се врати на секојдневните обврски во родната Велика Британија.

Иако изминатиот месец за убавата принцеза беше прилично турбулентен, делумно поради многу активното патување во Азија, а делумно и поради медиумското линчување зачинето со нејзини топлес фотографии, војвотката Кетрин конечно се појави во јавноста во своето вообичаено, елегантно издание.

За посета на студентите вистинската принцеза избрала пристоен костим кој го потпишува Paulе Ka. Кратката бордо сукња и сако Кетрин ги искомбинира со густи, црни хулахопки и елегантни потпетици од брушена кожа.

Иако целокупниот стајлинг беше прилично конзервативен, пристојната чипка која срамежливо ѕиркаше под класичното сако беше многу интересен додаток кој на целата приказна и даде сензуална нота.