Викторија Бекам и Ријана кои на настанот по повод одржувањето на Њујоршката модна недела се појавија во необични, по малку и застрашувачки изданија.

Настаните познати под називот "Fashion's night Out" беа организирани од страна на уредничката на магазинот Vogue-Anne Wintour и тоа во повеќе градови низ светот, но сепак најзначајните се одржаа во Њујорк и тоа во текот на модната недела.

Со цел  да се привлечат повеќе купувачи организаторите побараа  домаќини да бидат звучни имиња од А-листата, улогите ги прифатија Gwen Stefani, Lindsay Lohan, Kate Hudson и Katy Perry.

На забавата каде што домаќинка беше актерката Sienna Miller во центарот на вниманието беше 21-годишната Ријана која за оваа прилика  носеше  краток црн фустан со капа и темни очила низ кој не гледаше речиси ништо , па мораше да побара помош и од телохранителите.

Sienna која својата љубов кон мoдата ја претвори во бизнис и ја основа модната марка "Twenty&Twelve" планира да остане во Њујорк за да го зацврсти своето име на листата на познати и признати модни дизајнери.

Викторија Бекам која со нетрпение ја очекува ревијата на својата модна марка dVd во склоп на модната недела, за таа пригода одбра високи црни чизми кои се апсолутен хит оваа година и краток фустан со потписот на  Gilesa Deacona.

Нејзиниот избор изненади многумина бидејки и таа во последно време се трудеше да изгледа  колку што може поконзервативна.

Секогаш беспрекорната Викторија овојпат не водела грижи за својата фризура. Додека позирала за фотографиите многумина приметиле дека нејзината коса е неисчешлана.