Дека вистинската фризура игра и повеќе од важна улога кога станува збор за појавувањето на црвениот тепих уште еднаш докажа Џесика Алба, која се појави на црвениот тепих по повод доделувањето на ЕМА наградите.

Убавицата со меден тен својата витка линија ја истакна со тренди комбинација од црни вреќести панталони со висок струк, зачинети со црно бело потпетици, блуза со длабок рез со црни детали и елегантно долго сако.

Иако севкупниот стајлинг заслужи чиста петка, фризурата на убавата актерка беше црешата на врвот од сладоледот. Косата испреплетена во рибја коска и залижана на страна во ниско коњско опавче дополнително беа освежени од долгите продолжетоци кои слободно паѓаа преку рамењата на убавицата и во секунда го засилија севкупниот ефект.