Со речиси непогрешив моден избор, австралиската актерка Никол Кидман го освојува секој црвен тепих на кој ќе се појави, но подеднакво воодушевување не предизвикува кога се во прашање секојдневни модни моменти.

За претставување на својот најнов филм Paperboy во кој отелотворува провокативен лик на љубовница, Никол се појави во стајлинг кој баш и не доликува на една икона на стилот.

Конзервативен волнен џемпер со боја на кајсија закопчан до грлото и сива сукња со должина до колената, со кои има избрано ни малку тренди бордо чевли со ниски потпетици, и обезбедија изглед на претерана скромност на актерката која е позната по гламурозноста.