Бидејќи ладните денови се пред нас, време е за собирање на летните парчиња облека и освежување на старата зимска гардероба. Еве кои парчиња е пожелно да ги имате оваа сезона во ормарот и притоа да не изгледате како жртва на модата...

Кожа
Вистинската доза на моден адреналин оваа есен доаѓа во облик на кожа која доживува голема револуција. Кожен фустан, панталони или јакна се парчиња по кои може да посегнете.

Oversize
"Oversize" е еден од најголемите модни трендови без оглед дали се работи за капути или панталони. Oversize панталоните може да ги комбинирате со светла блуза или онаa со животински принт која останува во тренд и оваа сезона.

Златна боја - апсолутен хит
Да претерате со златната боја оваа сезона е пожелно. Сите водечки дизајнери го покажаа нејзиното богатсво составувајќи ја во сите модни парчиња. Посегнете по златни чизми или чевли со кои нема да погрешите.

Црвена - боја на сеозната
Без оглед дали ќе се одлучите за капут, кожни црвени панталони, чизми, нема да погрешите, црвената ќе биде кралица на сеозната. Дворскиот изглед од 40-тите повторно се врати на големите модни врати, каде акцентот се става на колковите.

Црно сако
Баш како малиот црн фустан сакото станува парче кое треба да се има во ормарот. Било во класична комбинација со бела кошула и фармерки, било со вечерен фустан, едноставно носете го.

Крзно
Ова модна зима речиси не може да се замисли без крзно, а производителите го донесоа до таа мера на совршенство што разликата меѓу вистинското и лажно крзно речиси е невозможно да се забележи.