Есента полека ни се приближува, бидејќи постојано се зборува дека септември ќе биде пријатен, наглото заладување и повремените викенди пропратени со дожд едноставно се неизбежни...

За да да ви го олесниме преминот од летна во зимска гардероба, ви носиме попис на пет парчиња облека кои ќе ви помогнат да изгледате супер без оглед на временските (не)прилики.

1.Тексас кошула и памучна блуза
Сеуште нема потреба за волнени џемпери и кардигани, затоа што нивната функција совршено можат да ја заменат памучните блузи или тексас кошула. Префрлете ја преку фустан, панталони или фармерки.

2.Платнени патики - високи или ниски
На периодот на апосотлки и отворени обувки полека му се ближи крајот, а за доцното лето и раната есен идеални се планените патики кои може да ги украсите со беџови, чипка или сатенски врвки наместо обични.

3.Свилени јакни
Овие јакни се хит за оваа година, а благодарение на големите летни намаленија, можете да ги пронајдете по поповолни цени. Ви ги препорачуваме оние со цветни дезени кои во исто време ќе изгледаат и спортски и елегантно.

4.Марами
Марамите се вистински спас а крајот на летото затоа што можат да се искористат на повеќе начини. Можете да ги носите околу врат или преку рамењата ако ви застуди. А во топлите денови прекрасно ќе изгледаат врзани околу чантата или во облик на турбан на главата.

5."Спортски панталони"
Суперпопуларните панталони со една црта ќе биде малку тешко да ги искомбинирате со дебел џемпер, темна јакна и гломазни чизми, па искористете го убавото време и искомбинирајте ги со елегантна кошула и штикли со шпицест врв или сандали.