23-годишната руса убавица, која по потекло e од Јужна Африка, пред еден месец беше прогласена за еден од најплатените модели во светот...

Нејзиниот шарм и совршени пропорции за една година и донесоа (од мај 2011-та до мај 2012-та) 3.1 милиони долари. Слично многуте нејзини колешки и Кандис беше запрашана како го одржува телото, кое ги импресионира и "Victoria's Secret" за да ја направат една од "ангелите" на брендот.

"Се занимавам со јога", откри Кандис за американско списание - "Ова ми е омилено и во последно време го правам се повеќе и повеќе. Обожавам да се растегнувам и да работам на телото и умот."

Кога станува збор за брзо топење на калории, убавицата се свртува кон боксот. "Боксот, ми прилега како спорт за одржување на телото. Сакам брзи работи и брзо да трошам енергија. Секако не ги игнорирам и вежбите за задник. Тие се последниот дел од моите тренинзи".

Кандис признава дека ги користи услугите на личен тренер и тврди дека ако не го гледа често, потоа мора да прави многу вежби за задник.

"Ако патувам и имам снимање на плажа на пример, станувам рано наутро и трчам по песокот. Правам и вежби со тегови", додава моделот.

Сепак тајната на слабото тело е фактот дека има брз метаболизам. "Колку и да јадам, качувам килограми. Не знам до кога ќе продолжи така. Единствено избегнувам газирано, бидејќи нема ништо полошо од тоа да ти се надуе стомакот, а да се обидуваш да бидеш секси".