Летото и модата се навистина совршен пар, но и во ова силна врска постојат работи кои никако не смееме да си ги дозволиме. Ако сакате да бидете во тренд и при тоа да изгледате без грешка избегнувајте ги овие пет најлоши летни гафови на кои треба категорично да им кажете НЕ...

Прекратки панталони
Жешките панталони станаа хит за оваа сезона. Но, тенка е границата меѓу долна облека и панталоните што некои жени сеуште не ја совладале целосно. Правилото е едноставно - заникот мора да остане скриен и тоа е тоа. Прекратките панталони делуваат вулгарно и невкусно, а неколку сантиметри материјал повеќе може да изгледа истовремено вкусно и секси.

Екстравагантен костим за капење
Ова лето на местото на бикините се наметнаа едноделните костими за капење кои повеќе се за позирање отколку за сончање. Костимите со разни траки на убаво обликувано тело делуваат како украс само за налсовна страна на списание затоа што, замислете како би изгледало телото после сончање со вакво парче костим за капење.

Зимски чизми на +40
Овој тренд развесели, но и разлути многумина. Летните чизми направени од тенка кожа или материјал со дупчиња како и оние со отворени прсти не се исто како и каубојките или моторските чизми со цврста кожа. Едните се направени посебно за суви денови, а другите се резервирани за чорапи и ниски температури. Не сакаме ни да замилиме како изгледаат нозете после поминат ден во такви чизми на +40.

Неуредни стапала
Обувки со отворени прсти и тренди сандалите не дозволуваат неуредни нокти и стапала. Освен што изгледаат неугледно, запуштените нокти се и одраз на хигиената. Во денешно време постојат евтини козметички производи за стапала па ако сеуште не сте, тоагаш време е да посветите внимание на своите стапала.

Погрешна долна облека
Најчеста грешка која се повторува секое лето е изброт на погрешна долна облека. Иако многумина не сакаат да носат танги, кои се всушност најсигурен избор, постојат гаќи со нежни површини без рабови кои се речиси незабележливи. Кога е во прашање градникот, потрудете се да остане таму каде што му е местото - сокриен под облеката.