Спoред истражувањето кое го спровела компанијата “Compeed” - највисоки штикли вo светот носат Британките...

Дамите од Островот во просек носат штикли кои се високи 8,4 сантиметри, што е за 2 сантиметри повеќе од штиклите кои ги носат Французинките.

Ова истражување се надоврзува на претходните кои покажаа дека Британките се најниски во Европа – нивната просечна височина е 163 сантиметри. Германките се 5 сантиметри повисоки од нив, а Шпанките само сантиметар, па сосема разбирливо е зошто носат високи потпетици.

Според истото истражување дури 65 проценти од Британките трпат последици од носењето високи штикли.

“Постои мислење дека високата жена е попозитивна, посамоуверена, побогата, поспособна, поуспешна, понезависна од ниската. Британките се амбициозни и ако со тоа што ќе облечат штикли од 8,4 сантиметри си ги зголемат своите шанси за успех во кариерата, тие ќе го направат тоа”, вели Ема Кени, психолог.