Иако на прв поглед не се разликува од другите лакови за нокти, сепак станува збор за вистински луксуз кој ретко кој може да си го дозволи...

Лакот за нокти "Gold Rush Couture" на компанијата "Models Own" е скапа верзија на обичниот лак чија цена изнесува околу 8 долари. Скапата верзија е вистински луксуз, за кој треба да издвоите вртоглави 130.000 долари.

Тоа е лак во кој има вистински честички од злато. А ни амбалажата не е помалку атрактивна, раскошното капаче е прекриено со 1.118 вистински дијаманти со што овој производ стана најскап лак на светот.

Но, тоа не е единствениот луксуз во козметичката индустрија. Најскапата маскара е спакувана во златна амбалажа и е прекриена со 1.000 Сваровски кристали, чини 600 долари. Истата маскара ја има и во посебна, уште поскапа верзија.

Компанијата "H. Couture Beauty" оваа маскара ја нарачала во амбалажа со 2.500 сини дијаманти. Во комплет оди и кармин прекриен со 1.200 розови дијаманти, а вкупната цена на овој луксузен пакет изнесува 14 милиони долари.