Во детството бевме цврсто убедени дека ако сакаш принцот да те најде, мора да жртвуваш некој пар чевли...

И бидејќи чевли на високи потпетици немавме, тогаш потенцијалните жртви во името на вистинската љубов беа тие на нашите мајки.
Години откако полека ја затворивме оваа приказна во сандачето со детски спомени, Кристијан Лубутен ги создаде чевлите на Пепелашка.

Соработката меѓу дизајнерот и Дизни е во чест на излегувањето на новата верзија на детскиот филм што ќе биде со кристално и блескава дигитална слика и со висока резолуција на звукот, а треба да излезе во октомври оваа година.

Најубавиот елемент од чевлите се кристалните пеперутки.

Ќе бидат произведени само 20 пара од чевлите на Пепелашка, од кои два ќе бидат посебен подарок за Дита фон Тиз и Мараја Кери.