На денот на венчаваката младенката се замислува во раскошен фустан и чевли со високи потпетици, но доколку висината од 10-12 сантиметри ви претставува проблем, можете да "скокнете" во меките и тренди UGG чевли. Чизмите во кои ги минуваме ладните зимски денови сега доаѓаат и во нежно и малку посвечено издание во кое можеме да се појавиме на денот на судбоностно ДА...
Високите потпетици со потпис од Кристиан Лубутин, Џими Чу и други се високо на списокот на многу невести, а нив сега им се придружи уште едно познато име. Се работи за чизмите UGG кои претставуваат синоним за удобност.
Познатиот австралиски произведувач на обувки од мека овчја волна дизјанираше нова линија наменета за невести. Белите чизми извезени со светки кои се прелеваат во нежни бои или пак оние со сребрен сјај се предлог за најважниот ден, а исто како и штиклите би можеле да се носат со долг или краток футан, во зависност од тоа што и се допаѓа на невестата.
Едно е сигурно, патот до олтарот е многу по едноставен во рамни и удобни чевли, но и високите потпетици кои го држат телото исправено и додаваат некој сантиметар повеќе имаат своја магија. Можеби е најважно да направите компромис така што до полноќ ќе бидете принцеза во штикли, а потоа ќе "скокнете" во меките и удобни чизми.
