Коралната боја завладеа со модниот свет – фустани, панталони, хеланки, сандали и модни додатоци во сите нијанси на оваа топла боја...

Коралите низ историјата биле симбол на елеганција и женственост. Овие прекрасни творби на природата се кријат на морското дно, а освен со својот облик и структура тие го збогатија светот и со своите прекрасни нијанси.

Прекрасните нијанси се протегаат од темно црвена, преку нежно портокалова, па се до бледо розови тонови.

Оваа сезона е во знакот на овој украс, покрај накитот кој е идеален за сончевото време, бојата на коралите го најде своето место и на облеката и обувките. 

Бутиците се преполни со панталони, хеланки, фустанчиња и здолништа во заводливите корални тонови, а модните додатоци како сандали, ремени, чанти и паричници и наједноставната комбинација ќе ја претворат во весела пролетна приказна.

Оваа пролет треба да имате барем едно парче облека во оваа боја!