Денес ќе ви претставиме неколку совети за шминката од ѕвездата Џулијан, со помош на кои можете да изгледате неодоливо во наредните летни месеци...
Таа ги сподели, не само главните модни трендови за сезоната пролет-лето 2012, туку и открива неколку трикови за разубавување кои ќе обезбедат свеж и весел изглед.
Усни кои заведуваат
Како што веќе сме споменале и порано, црвениот кармин е вистинска слабост на дизајнерите кои масовно се залагаат за него во своите ревии. Но ако треба да бидеме фер понекогаш високата мода наметнува премногу предизвикувачки имиџ, кој не секоја просечен жена би го применила во своето секојдневие.
Затоа, според Џулијан Каје модните трендови не смеат да се земаат толку буквално, туку на нив да се гледа како на непресушен извор на инспирација.
Џулијан советува дамите на кои не им се допаѓа јака нијанса на крамин, да користат романтични нијанси на розова, што е еден многу добар еквивалент на црвената боја.
За било каква нијанса на кармин да се одлучите, вашите усни ќе изгледаат добро, само ако се сочни и меки. Тоа може да се постигне и во домашни услови, без да купувате некоја специјална козметика. Доволно е само да размешате малку шеќер и вазелин и убаво да го втриете на усните. Тоа е трик, кој делува постојано и ќе ви обезбеди сочни и мазни усни.
Сјајна кожа
За да бидете неодоливи во текот на летото, најважно е вашата кожа да биде свежа и тонизирана. Според експертите најдобрата шминка започнува токму со правилна нега на лицето, со негов пилинг и навлажнување.
Секогаш пред да започнете со самото шминкање нанесете мала количина крем на лицето, тоа ќе ви помогне да ја заштитите од исушување.
Најосновното според Џулијан е жените да сфатат дека има огромна разлика меѓу шминката во текот на зимските месеци и оваа во летните. Во топлите денови таа е многу подложена на временските услови и е почувствителна.
Поради тоа Каје советува дамите да се преориентираат кон кремаста пудра и руменило. Со нив ќе изгледате природно и ако случајно се испоти кожата нема да ви се појават дамки на лицето, што би се случило ако користите шминка во прав.
