Oваа пролет и лето во мода се боите, но не и папагалскиот изглед, затоа внимавај како ќе ги комбинираш зелената, црвената, сината, портокаловата и жолтата...

Црвената добро оди во комбинација со зелена, пурпурна и портокалова, но и со тегет. Кога е оваа боја во прашање неопходно е да се обрне внимание на нијансите доколку не сакате да изгледате како кловн.

Сината добро се совпаѓа со портокалова, пурпурна и зелена, а ако се плашите дека ќе погрешите во изборот на нијанси, држете се до сино-белата комбинација.

Зеленената боја е блиска со жолтата, но и со сината. Меѓутоа, зелената не смее да биде во јака нијанса кога се комбинира со други бои, освен ако не станува збор за тегет или црна.

Жолтата е најтешка за комбинирање, иако на прв поглед не делува така, поради што многу луѓе грешат кога ќе се одлучат за оваа боја. Не комбинирајте ја жолтата со пурпурна, а бидете внимателни ако сакате да облечете нешто жолто со зелено или портокалово, за да не бидете премногу нападни.