Супермоделот Хајди Клум е 38 години, мајка е на четири деца и има кариера, за која повеќето жени сонуваат...

Четирите бремености не ја спречија да ја открие совршената фигура уште еднаш за своите фанови.

Тоа го направи на апсолутно професионален начин за новиот број на американското списание Allure, чија што насловна ја краси нејзиното лице.

За раните години како модел, таа вели дека била премногу бујна за разбирањата на дизајнерите и дека на почетокот на кариерата никој не ја избирал за ревии во Париз, во Њујорк, па дури и во Берлин.

"Секогаш сум сакала да бидам модел, така што бев упорна. Кога бев на 20 години, дизајнерот Мајкл Корсо, кој денес е мој пријател, ме виде во својата облека и ми рече: "Ви благодарам, но не одговарате", изјави Хајди.

"Горда сум дека на таа возраст, не сум направила никакви корекции на себе. Пластичната хирургија не ми изгледа убаво и природно. Прашајте ме за моето мислење, повторно, кога ќe сум на 65, но ќе бидам горда, ако и на таа возраст ништо немам корегирано на себе. Се лутам кога ќе видам млади девојки со какви ли не пластични операции. Што ќе прават кога ќе станат 40 или 50 години?", прашува таа.

За пропаднатиот брак Хајди вели: "Имав соништа за тоа како сакав мојот живот да се води, но за жал, реалноста не секогаш се покажува таква каква што сме сонувале да биде. Понекогаш животот ти испраќа предизвици со кои треба да се справиш . Но мојот сон отсекогаш бил да имам големо семејство со многу деца и убава градина со базен, лулашки и слично, па дури и да можев да го вратам времето назад, не би променила ништо во животот ".