Иако се наоѓа во многу среќен период од животот што го открива срдечната насмевка, но и големиот веренички прстен на нејзината рака, Анџелина Џоли изгледа послабо од било кога.

Анџелина Џоли за прв пат се појави во јавноста по веридбата за долгогодишниот партнер и татко на нивните шест деца, Бред Пит. Иако нејзиното лице како и големиот веренички прстен открија дека на нејзината среќа и нема крај, Анџелина изгледаше послаба од било кога.

Откако минатата година беше максимално ангажирана на семеен и работен план, пробувајќи си ја среќата во улога на режисерка, што и одзеде многу време и енергија, Енџи конечно забави и им се посвети на идниот сопруг и децата. Задоволно прошета пред собраните фотографи и гордо го истакна прстенот на раката.

Но, со избор на едноставен светло кафеав фустан, освен прстенот, во прв план се најде и нејзината преслаба линија и бледа кожа. Пред само три години Анџелина на доделувањето на наградите „Златен глобус“ со својата појава пленеше најмногу внимание, а денеска, споредувајќи ги фотографиите можат да се забележат големи разлики.