49-годишниот француски дизајнер на чевли Кристијан Лубутен има теорија за жените кои се жалат на болката при носење на високи потпетици. "Високите потпетици се болно задоволство. Ако можеш ги носиш, ако не можеш, не се жали", истакна тој во интервју за списанието "Грација"...
Кристијан Лубутен призна дека не се интересира дали жените чувствуваат болка, кога ги носат неговите чевлите. Дизајнерот тврди дека повеќето негови клиентки имаат мазохистичко искуство и се борат со болката, ако сакаат да ги носат неговите чевли.
Симболичните црвени ѓонови на Французинот сигурно се одговорни за повеќе 'рбетни болести, но тоа не го тревожи дизајнерот.
Тој е најпознат по храбрите одлуки, меѓу кои се издвојуваат модели, опсипани со столпчиња, капси или во форма на чаша за вино.
Моделите му се носени од безброј познати личности, а едни од најголемите страствени обожавателки се Џенифер Лопез, Дита Фон Тијаз, Викторија Бекам и Сара Џесика Паркер.
