Колекција на оптички и очила за сонце за сезоната пролет/лето 2012 ги претстави лицето на безвременската убавина, Линда Евангелиста. Прикажаните модели асоцираат на некои повесели ретро времиња и на шармантност на школарка која ги следи само најновите трендови.

Карл Лагерфелд за заштитно лице за кампањата за оптички и очила за сонце ја избрал Линда Евангелиста, манекенка чие лице може да се прилагоди на најразлични стилови и модели.

Прикажаната колекција сончеви модели со четвртаст и кружен облик се прилагодува на најразлични облици на лицето, давајќи им или темпераментен изглед благодарение на црвената, жолтата, сината, зелената, портокаловата боја или ретро здив запечатен со предимензионирани модели.

Оптичките очила предложуваат нешто малку посериозен, но подеднакво шармантен изглед на школарка подготвена за играње со боите на оквирите.