Точките не излегуваат од мода, ќе се носат и оваа година...

Разиграни или ускладени, точките се одличен избор за вашата пролетна и летна гардероба. Ако во својот плакар немате нешто со точки, можете да си купите некое ново парче облека бидејќи точките делуваат позитивно, а од друга страна се вклопуваат во секоја прилика, па дури и во вашата канцеларија.

Точките биле популарни и во доцните шеесетти години на минатиот век, потоа се сметале за детски и тинејџерски.

Точките се разиграни и оставаат младешки впечаток на жените на секоја возраст. Истовремено се весели и софистицирани.

Можете да ги најдете во најразлични големини и бои. Најдобро е што можете лесно да ги комбинирате, а со модните додатоци со точки на децентен начин ќе привлечете внимание и ќе бидете забележани.